Карабалта шаарында жаңы сүт заводунун расмий ачылышы болду

2020-жылдын 3-сентябрында, чүй областынын жайыл районунун карабалта шаарында «жайыл милк» жчк жаңы сүт заводунун расмий ачылышы болду. Үчүнчү «Белая Река» заводунун ишке кириши менен жаңы жумуш орундары түзүлүп, завод фермерлерге сүт багытындагы уйларды көбөйтүүгө кыйыр түрткү берет, анткени сүт өндүрүү пайдалуу жана ыңгайлуу болуп калды.

Бүгүнкү күндө заводго шаардан жана ага жакын жайгашкан айылдардан 50 кызматкер кабыл алынса, келечекте жумуш орундарын 100 бирдикке жеткирүү пландаштырылууда.

Алгачкы этапта заводдо: туздалбаган табигый, каймак майын – 72,5% майлуулугу бар "Крестянское", майсыздандырылган кургак сүт - 1,5% дан ашпаган майлуулугу менен, ГОСТ канты бар табигый коюлтулган сүт, ассортиментте өндүрүлөт. Азыктардын көпчүлүгү экспортко багытталган.

Заводдун өндүрүштүк кубаттуулугу суткасына 150 тонна сүттү кайра иштетүүдѳн турат. Бүгүнкү күндө орто эсеп менен 50 тонна иштетилет. Жакынкы үч жылда долбоордук кубаттуулукту күнүнө 150 тоннага жеткирүү пландалууда.

Жайыл районунун 6000ге жакын тургуну өз сүтүн жеңилдетилген шартта жана туруктуу негизде сатуу мүмкүнчүлүгүнө ээ болушат.